Ein effektiv og praktisk metode for utvinning av energi frå sjøbølger
Metoden består av eit fjør – masse svingesystem som inkluderer ein overflatebøye og to vasskammer som heng under overflatebøyen og som er festa til kvarandre ved bruk av elektromagnetiske fjører/bremsar og eit nedsenka forankringsystem som overflatebøyen er festa til ved bruk elektromagnetiske fjører/bremsar. Fjør – masse svingesystemet har ein eigenfrekvens som er lik eller lågare enn frekvensen til sjøbølgene. Dette medfører at energien i bølgjene vil bli overført til fjør – masse svingesystemet. Energien vert teken ut av systemet ved å bremse dei relative rørslene mellom overflatebøyen, vasskammera og forankringssystemet. Dei elektromagnetiske bremsane bremsar med krefter som tilsvarer den kritiske dempingskrafta til fjør – masse systemet og omformar kreftene til elektrisk energi.
Illustrasjonen ovanfor syner eit energianlegg som består av 4 fjør – masse svingesystem der kvar overflatebøye har ein diameter på 3 meter. Anlegget er forankra til 2 anker på sjøbotn. Elektriske kablar (ikkje vist på teikningen) kan monterast langsmed forankringslinene ned til sjøbotn og vidare til land. Overflatebøyene og vasskammera er frie til å rotere rundt vertikale aksar når sjøbølgene endrar retning.
Estimert produsert energi frå anlegget:
Bølgehøgd 1,0 meter med periode 6 sekund: 26,8 kW
Bølgehøgd 1,5 meter med periode 6,5 sekund: 65,6 kW
Bølgehøgd 2 meter med periode 7 sekund: 126,0 kW
Bølgehøgd 2,5 meter med periode 7,5 sekund: 210,8 kW
Bølgehøgd 3 meter med periode 8 sekund: 324,0 kW
Fordeler med metoden:
– forholdsvis liten mengde materialer for å tilvirke anlegget
– høg effektivitet i ulike bølgehøgder
– evne til å motstå store bølgekrefter på grunn av fleksibel forankring
Bølgekraftanlegg