Miljøvennleg metode for omforming av vindkraft til elektrisk kraft
Metoden gjer det mogleg å hauste meir vindkraft ettersom vindkraftverket er miljøvennleg og er lett å installere og vedlikehalde. Innretningen som skal omforme vindkraft har ingen ytre roterande deler. Mange av komponentane kan lagast av trematerialar. Innretningen kan tilpassast for bruk på ulike stader. Vindenergien vert omforma til trykkenergi både som overtrykk og undertrykk. Trykkskildnaden gjer at luft akselererer og forårsaker ei reaksjonskraft som driv ein turbin og elektrisk generator. For meir informasjon sjå teikningen og skildringa nedanfor.
Vindkraftverk
Når luft strøymer langsmed vengepanela vert lufttrykket redusert på same vis som på oversida av ein flyvenge. Vengepanela har opningar slik at undertrykket vert overført til innsida av innretningen til eit kammer som lagrar trykkenergien midlertidig. Samstundes strøymer det luft inn gjennom eit luftinntak fremst på innretningen til eit innløpskammer der vindenergien vert midlertidig lagra som trykkenergi. Trykkskilnaden gjer at lufta i innløpskammeret strøymer med stor fart til kammeret som har undertrykk. Akselerasjonen av luftmassen som oppstår forårsakar ei kraft som driv ein turbin og ein elektrisk generator.
Reduksjonen av lufttrykket på utsida av vengepanela gjer at luft strøymer ut frå kammeret på innsida. Denne luftstraumen motverkar at det oppstår turbulens i luftstraumen på utsida av vengepanela.
To innretningar kan monterast på kvar si side av ei søyle og fungere som eit kraftverk. Innretningane er dreibart montert på søyla og rettar seg automatisk inn etter vindretningen. Praktisk høgd til eit kraftverk vil vera frå 1,5 til 3,5 m.
Estimert energiproduksjon pr. kraftverk med effektiv høgd 2,5 m og breidde 2,0 m:
Svak bris (3,4 – 5,4 m/s): 0,1 – 0, 39 kW
Bris (5,5 – 7,9 m/s): 0,4 – 1,19 kW
Frisk bris (8,0 – 10,7 m/s): 1,2 – 2,9 kW
Liten kuling (10,8 – 13,8 m/s) 3,0 – 6,3 kW
Kuling (13,9 – 17,1 m/s) 6,4 – 12,1 kW
Stiv kuling (17,2 – 20,7 m/s) 12,2 – 21,5 kW
Til dømes vil overnevnte kraftverk i frisk bris (8,0 – 10,7 m/s) generere nok straum for 31 – 74 stk. 40W lyspærer.
Illustrasjonen nedanfor syner eit vindkraftanlegg som omfattar 5 småkraftverk med høgd 3,5 m og breidde 2,0 m.
Vindkraftverk
Estimert energiproduksjon frå vindkraftanelegget:
Frisk bris (8 – 10,7 m/s): 6,0 – 14,5 kW
Liten kuling (10,8 – 13,8 m/s) 15,0 – 31,5 kW
Kuling (13,9 – 17,1 m/s) 32,0 – 60,5 kW
Stiv kuling (17,2 – 20,7 m/s) 61,0 – 107,5 kW
Til dømes kan overnevnte vindkraftanlegg i frisk bris dekke 25% av elektrisitetsbehovet til 8 – 19 husstandar (basert på eit gjennomsnittleg forbruk på 3 kW pr. husstand).
Turbin
Treramme til vengepanel